Монсудар хэвлэлийн компанитай хамтран сургуулийн хэрэгцээнд нийцүүлэн харилцан тохирч, дараах байдлаар ажиллахаар төлөвлөөд байна.

• Нэгдүгээр үе шат: 2021-2022 оны хичээлийн жилд бага ангийн номын сан байгуулж, ном унших соёл түгээх ажлыг бага ангийн багш, сурагч, эцэг, эхчүүдэд түгээх;
• Хоёрдугаар үе шат: 2022-2023 оны хичээлийн жилд дунд ангийн номын сан байгуулж, ном унших соёл түгээх ажлыг дунд ангийн багш, сурагч, эцэг, эхчүүдэд түгээх;
• Гуравдугаар үе шат: 2023-2024 оны хичээлийн жилд бага ангийн номын сан байгуулж, ном унших соёл түгээх ажлыг бага ангийн багш, сурагч, эцэг, эхчүүдэд түгээх.

Номын санг хүүхдийн дэргэд байнга байлгах арга зүйг сонгож, явуулын түрдэг тэргэнцрийг хэлбэрийн хувьд оновчтой гэж үзсэн бөгөөд багш нарын судалгаа, саналын үндсэн дээр номын бүрэн катологи бий болгоод байна.

2021 оны 12 дугаар сарын 15-ны өдөр “Номын сангийн төсөл”-ийн нээлтийг тсургууль дээр зохион байгууллаа. Нээлтэд:

• Боловсрол, шинжлэх ухааны яам
• Боловсролын хүрээлэн
• Багшийн мэргэжил дээшлүүлэх институт
• Нийслэлийн боловсролын газар
• Дүүргийн Боловсролын хэлтэс
• Увс аймгийн Боловсролын газрын мэргэжилтэн
• Монгол Улсад суугаа Япон Улсын элчин сайдын яам
• Дэлхийн банк
• Адмон групийн төлөөлөл оролцлоо.

Нээлтийн арга хэмжээн дээр төслийн эхний үед гол бүтээгдэхүүн болох 20 ширхэг номын түрдэг тавиур 1600 төрлийн ном хүлээлгэн өгсөн байна.

Нээлтийн үеэр МҮОНТ, ТВ9, ТВ5 болон 2 сайт ирж ярилцлага, сурвалжлага хийж, олон нийтэд давталттайгаар түгээсэн бөгөөд цаашид тухайлан номын сангийн үйл ажиллагааг бусад сургуульд түгээх лаборатори сургуулийн чиг үүргийн хүрээнд бүрэн хэмжээний теле нэвтрүүлэг хийх юм.