Баянгол дүүргийн Засаг даргын 2020-2024 оны үйл ажиллагааны хөтөлбөрт тусгасан “Баянгол-Хүүхэд хэрэглэгч” хөтөлбөрийн хүрээнд ерөнхий боловсролын сургуулийн нийгмийн ажилтан, цэцэрлэгийн арга зүйч нарын дунд “Хүүхэд-хамгаалал-хөгжил” сэдэвт сургалт, уулзалт, зөвлөгөөнийг зохион байгууллаа.

          Нийгмийн ажилтан, арга зүйч нарын оролцоо, хамтын ажиллагаа, шинэ санал санаачилгыг дэмжин ажиллах замаар хүүхдийн хөгжил хамгааллын эрхийг хангах зорилгын хүрээнд зохион байгуулагдсан тус сургалтад Баянгол дүүргийн Засаг дарга Ө.Сумъяабаатар, Засаг даргын үйл ажиллагааны хөтөлбөр, эдийн засаг нийгмийг хөгжүүлэх үндсэн чиглэл, гэмт хэргээс урьдчилан сэргийлэх асуудал хариуцсан төслийн удирдагч Д.Жаргалсүрэн, Нийгмийн хөгжлийн хэлтсийн дарга С.Мөнхзаяа, Боловсролын хэлтсийн дарга З.Энхгэрэл болон ерөнхий боловсролын сургуулийн нийгмийн ажилтнууд, цэцэрлэгийн арга зүйч нар оролцлоо.  

         Хувь хүний хөгжил, манлайлал, стрессийн менежмент  сэдвээр Сургалт, судалгааны Полиси төвийн сургагч багш сургалт орж, нийгмийн ажилтнууд тэргүүн туршлагаа хуваалцан үйл ажиллагааны нэгдсэн хөтөлбөрийн загвар боловсруулах, сурагчдаас авах судалгаанууд түүний нэгдсэн хүснэгтийн загвар боловсруулах, энэ хичээлийн жилд зохион байгуулах шинэлэг ажлын талаар санал солилцлоо.