Дүүргийн Нийгмийн хөгжлийн хэлтэс, Боловсролын хэлтсээс санаачлан тусгай 70-р сургуулийн согог зүйч, хэл засалч тэргүүлэх мэргэжлийн зэрэгтэй багш Б.Энхтуяаг зочин багшаар урьж 2 удаагийн цахим сургалтыг 2021 оны 04 дүгээр 27, 28-ны өдрүүдэд Teams-ээр программаар "Тэгш хамруулан сургахад багшид туслах арга зүй", "Тусгай хэрэгцээт боловсролын арга зүй", "Дауны хам шинж", "Ганцаарчилсан сургалтын хөтөлбөр боловсруулах нь", "Аутизмтай хүүхдийн шинж тэмдэг" сэдвүүдээр тус тус зохион байгуулж давхардсан тоогоор 246 удирдах ажилтан, багш нарыг хамрууллаа. Энэ сургалтаар тусгай сургуулийн мэргэшсэн багш хөгжлийн онцлог, ялгаатай, хэрэгцээтэй сурагчид нь өөрийн гэсэн өвөрмөц онцлогтойг хүлээн зөвшөөрч, суралцахад нь ямар бэрхшээл тулгарч байгаа болон тэдний ямар чадвар, чадамжийг хөгжүүлэх шаардлагатай байгааг тогтоох, өөрөө юу хүсэж байгааг нь ойлгож хэрхэн туслах, тухайн хүүхдүүдтэй хамт суралцаж буй найз, нөхөд болон эцэг, эхийнх хандлагыг өөрчлөх, ямар хэрэглэгдэхүүн ашиглах, ганцаарчилсан сургалтын хөтөлбөрийн зорилго, зорилтыг хэрхэн тодорхойлж хэрэгжүүлэх талаар зөвлөн тусалж, арга зүйн дэмжлэг үзүүллээ. Сургалтад  сургуулийн удирдлагууд өөрсдөө оролцож, “Дэмжлэгийн баг”-ийн гишүүд, хөгжлийн онцлог ялгаатай, хэрэгцээтэй хүүхдүүдтэй ангийн багш нарыг хамрууллаа.