Цар тахлын онцгой байдлын үед Нийслэлийн Боловсролын Газраас ТВ болон онлайн хичээлийн агуулга, сурагчдын оролцооны хоцрогдлыг багасгах, сургалтын чанарыг сайжруулах, багш нарын арга зүй, туршлагыг түгээн дэлгэрүүлэх зорилгоор дүүргүүдэд хичээл бүрээр багш нарын Зөвлөлдөх Багийг байгуулсан. Баянгол дүүргийн гадаад хэлний багш нарын Зөвлөлдөх Баг, нийслэлийн ЕБ-ийн лаборатори 28-р сургуулийн гадаад хэлний багш нар, дүүргийн Боловсролын хэлтэс хамтран 2021 оны 05-р сарын 05-нд  нийслэл, аймаг, сумдын гадаад хэлний багш нар болон бусад мэргэжлийн багш нарт   “Хамтдаа хөгжицгөөе”  цахим сургалтыг амжилттай  зохион байгууллаа.

            Цахим хичээл бэлтгэх программуудыг хэрэглэх арга зүйд багш нарыг сургах, арга туршлагаа түгээн дэлгэрүүлэхэд сургалтын зорилго оршиж байлаа. Энэхүү сургалтын тандалтыг 05-р сарын 01-02-нд “Монголын ЕБС-ийн Орос хэлний багш нар” фэйс группээр  хийхэд 205 багш сургалтанд суух хүсэлтээ ирүүлжээ. Ийнхүү баг багш нарын эрэлтэд тулгуурлан сургалтаа сургууль, дүүрэг, үндэсний хэмжээнд 3-4 удаа зохион байгуулж, багш нараас сэтгэл ханамжийн өндөр үнэлгээ авчээ. Сургалтын агуулгад

1. “Зайн сургалтын нөхцөл байдал, багш нарын хамтын ажиллагаа” арга зүйн мэдээлэл
2. ”Сурагчдад сонирхолтой дуу, дүрс, сорил, тоглоом зэргийг хялбар ашиглаж интерактив хичээл бэлтгэх “Nearpod программ”
3. Хичээлийн үеэр хүүхдүүдээс санал асуулга, жижиг тест авах “Socrative” программ
4. Анги, уулзалт, хурал болон бусад бүлгийн үйл ажиллагаанд танилцуулга хийх, бодит цаг хугацаанд хариу санал авах боломж олгодог “Mentimeter” программуудыг зааж

5.Эдгээрийг ашиглан бэлтгэсэн 2 интерактив хичээл тайлбарлан үзүүлэх зэрэг мэдээлэл, дадлага ажил оржээ.

Сургалт зохион байгуулахад БГД-ийн БХ-ийн мэргэжилтэн Б.Туул хамтран ажиллаж, БГД-ийн БХ-ийн дарга З.Энхгэрэл, Б.Отгонжаргал нар зочиноор оролцож, үйл ажиллагаанд амжилт хүсэн, идэвх санаачилга, амжилттай ажиллаж буй 10 багшид БГД-ийн БХ-ийн “Талархал” гардуулсан байна.

Сургалтад 8 дүүрэг, 20 аймаг, 30 гаруй сумын 100 гаруй сургуулийн гадаад хэл болон бусад мэргэжлийн  170 гаруй багш маш идэвхтэй оролцжээ.